|
Smartfonlar üçün ən geniş yayılmış
əməliyyat sistemi (ƏS) hesab olunan
Symbian tərtibatçıları onun çıxış
kodlarını tamamilə açıb və ƏS-nin
istifadəsini ödənişsiz ediblər.
Əməliyyat sisteminin inkişafı ilə
məşğul olan Symbian Foundation
assosiasiyasının icraçı direktoru Li
Uilyamsın sözlərinə görə bu, tarixdə
patentləşdirilmiş proqram təminatı
sistemlərin çıxış kodlarının
açılması istiqamətində atılmış ən
iri addımdır.
Analitiklər isə hesab edirlər ki,
əməliyyat sisteminin sahibi olan
Nokia şirkətinin bu qərarı son
vaxtlar smartfon bazarında artan
rəqabətlə bağlıdır, ilk növbədə
burada söhbət Google, Apple və
Microsoft kimi nəhənglərin
iddiasından gedir.
Qeyd edək ki, bu gün Symbian 330
milyon mobil qurğuda, əsasən Nokia
telefonlarında istifadə olunur.
Mənbə:
Azərbaycan Respublikası RİTN
|
