|
Qlobal Şəbəkənin ən iri
video-hostinqi olan YouTube resursu
video-kirayə funksiyasını istifadəyə
verdiyi 10 gün ərzində cəmi 10709,
16 ABŞ dolları qazanıb. Qeyd edək
ki, sözügedən funksiya çərçivəsində
bir filmin tamaşası 3 dollar 99 sent
təşkil edir. Beləliklə xidmət cəmi
2684 dəfə istifadə olunub. Bununla
yanaşı YouTube nümayəndələri qeyd
edirlər ki, yeni servis üzrə
gəlirlər proqnozları üstələyə bilib.
Onların sözlərinə görə, istənilən
onlayn-filmin tamaşası yeni və bir
çox istiqamətlərdə sınanmamış xidmət
olaraq qalır.
Bununla yanaşı qeyd etmək lazımdır
ki, ABŞ-ın ən iri Netflix
video-kirayə servisi bir qədər
bundan 6 milyon abunəçisinin
onlayn-filmlərə baxdığını bildirib.
YouTube-un video-kirayə xidmətindən
əldə etdiyi gəlirin kiçik olması çox
güman ki servisin hələ ki
eksperimental rejimdə işləməsi və
yalnız Sundance festivalının beş
filmini təqdim etməsi ilə bağlı ola
bilər. Hazırda isə bu xidmətin
fəaliyyəti dayandırılıb.
YouTube-la iri kinostudiyalar
arasında danışıqların aparıldığına
baxmayaraq video-hostinqin onlarla
tez bir zamanda əməkdaşlıq edəcəyi
gözlənilmir. İnternetin
video-nəhənginin video-kirayə
bazarında ilk tərəfdaşları təhsil,
multiplikasiya, eləcə də səhiyyə
haqqında filmlərin müəllifləri
olacağı bildirilir.
Mənbə:
Azərbaycan Respublikası RİTN
|
