|
Martın 8-də ABŞ Maliyyə Nazirliyi
internetdə elektron poçt və sosial
şəbəkələrlə işləmək imkanları üzrə
İT-xidmətlərin və proqram
təminatlarının İran, Sudan və Kubaya
ixracına dair qadağanı ləğv edib.
Sözügedən məhdudiyyətlərin aradan
qaldırılması ilə Amerika
İT-şirkətləri Kuba, İran və
Sudandakı internet istifadəçilərinə
elektron poçt, sosial şəbəkələr, ani
ismarıc, foto-, video və musiqili
kontent mübadiləsi proqramları,
eləcə də digər servislər üzrə əlavə
xidmətlər təqdim edə biləcəklər.
ABŞ Maliyyə Nazirliyi bəyan edib ki,
artıq 8 mart tarixindən şirkətlər və
özəl sahibkarlar adları çəkilən
ölkələrə proqram və müvafiq
texnologiyaların ixracına dair
xüsusi lisenziyalar əldə edə
bilərlər.
“Bu qərar (ixraca icazə) İran, Sudan
və Kubadakı insanlar üçün internetə
çıxışı, bir-birləri, eləcə də
dünyanın digər hissələri ilə
ünsiyyəti asanlaşdıracaq”, -
RİA Novosti
informasiya agentliyi ABŞ maliyyə
nazirinin müavini Nila Volinanın
qurumun yaydığı bəyanatda qeyd
olunduğu sözlərindən sitat gətirib.
Mənbə:
Azərbaycan Respublikası RİTN
|
