|
Karneqi-Mellon Universitetinin
alimləri və Microsoft şirkətinin
mütəxəssisləri təsviri bədənin açıq
yerlərinə, xüsusən də əllərin
üzərində proyeksiya etmək imkanına
malik yeni tip sensor interfeysi
yaradıblar.
Skinput adlı texnologiya interfeysin
elementlərini əldə göstərmək üçün
kiçik proyektorlardan və proyeksiya
olunan təsvirə toxunmanı müəyyən
edən akustik qurğudan istifadə edir.
Toxunma zamanı bədən ultra-kiçik
tezliklərdə səslər çıxarır. Alimlər
bazu önünün müxtəlif hissələrinin
müxtəlif səslər çıxartdığını müəyyən
edə biliblər. Dirsəkdə yerləşdirilən
sensor səsi təhlil edir və toxunma
yerini müəyyən edir. Sistemin sınaq
işlərində artıq 20 insan iştirak
edib.
Tədqiqatçıların sözlərinə görə,
Skinput sürətlə toxunma, eləcə də
sürətli əl hərəkətləri zamanı
işləyir. Yeni texnologiyanın mobil
qurğularla Bluetooth və ya digər
simsiz rabitə protokolları vasitəsi
ilə qoşulacağı gözlənilir.
Kiçik proyektorlar ən perspektivli
mobil texnologiyalardan biri hesab
olunur. Cisco-nun 2010-cu ilin
fevral ayında açıqladığı proqnozlara
əsasən 2014-cü ilə kimi bu cür
proyektorlu telefonlar adi
modellərdən fərqli olaraq 300 dəfə
daha çox trafik sərf edəcəklər. İl
ərzində bu cür telefonlarla yeddiyə
yaxın petabayt həcmli məlumat
ötürüləcək.
Mənbə:
Azərbaycan Respublikası RİTN
|
