|
Əhalidə aktiv istifadədə
olan mobil telefonların sayı və hər yüz nəfərə düşən stasionar telefon
aparatlarının say göstəricisi informasiya texnologiyalarından
istifadənin səviyyəsini, əhalinin yaşayış standartlarını və rifahını
xarakterizə edən mühüm göstəricilərdəndir.
Ötən dövrlə müqayisədə
Naxçıvan Muxtar Respublikasında aktiv istifadədə olan mobil telefonların
sayı artıb. Hazırda muxtar respublika əhalisinin 245 min 840 nəfəri
mobil telefon istifadəçisidir. Regionda əhalinin hər 100 nəfərinə 61
mobil telefon düşür.
Naxçıvan Muxtar
Respublikası üzrə hər yüz ailəyə düşən stasionar telefon aparatlarının
sayı isə artaraq 63-ə çatıb.
Qeyd edək ki, 2009-cu ildə
rabitə müəssisələri tərəfindən müəssisə və təşkilatlara, əhaliyə faktiki
qiymətlərlə 31 milyon 120 min manat xidmət göstərilib. 2008-ci illə
müqayisədə xidmətin həcmi 34 % artıb.
Bu müddət ərzində mobil
rabitə xidmətlərinin həcmi 2008-ci ildəki göstəricini 40 % üstələyərək
26 milyon 447 min manat olub.
Mənbə:
Naxçıvan MR RİTN - Mətbuat Xidməti
|
