|
“İdman-Azərbaycan”
televiziya kanalının Naxçıvan Muxtar Respublikası ərazisində yayımına
başlanılıb. Naxçıvan Muxtar Respublikası Rabitə və İnformasiya
Texnologiyaları Nazirliyi yanvar ayının 15-dən idman kanalının
verilişlərinin muxtar respublika ərazisində Duzdağ Radio Televiziya
Verici Stansiyası tərəfindən yayımlanmasını təmin edib.
Muxtar respublika
sakinləri telekanalın verilişlərini gün ərzində saat 12.00-dan
03.00-dək metrlik diapazonda 3-cü kanalda izləyə bilərlər.
Məlumat üçün deyək ki,
“İdman-Azərbaycan” televiziyasının verilişlərinin həcmi sutkada 15
saatdır. Telekanalda futbol, voleybol, güləş, cüdo, yüngül atletika və
digər idman növləri üzrə beynəlxalq yarışlar Azərbaycan dilində nümayiş
etdirilir.
Mənbə:
Naxçıvan MR RİTN - Mətbuat Xidməti
|
