|
Naxçıvan-Türkiyə-Gürcustan-Bakı istiqamətində optik kabel üzərindən yeni
rabitə kanalları yaradılıb. STM 16 səviyyəli kanalların yaradılması
muxtar respublikada telekommunikasiya əlaqələrinin alternativliyinin
təmin edilməsi məqsədilə həyata keçirilib.
Hazırda muxtar
respublikanın ölkə paytaxtı ilə telekommunikasiya əlaqələri
Naxçıvan-İran-Bakı və Naxçıvan-Türkiyə-Gürcustan-Bakı istiqamətində
optik kabel xətləri üzərindən aparılır.
Naxçıvan-Türkiyə-Gürcustan-Bakı istiqamətində optik kabel üzərindən yeni
rabitə kanallarının yaradılması həmçinin muxtar respublikaya daxil olan
internet kanalının sürətinin 155 mb/saniyəyə çatdırılmasına imkan verib.
Məlumat
üçün deyək ki, muxtar respublika ərazisindən keçən 134 km uzunluğunda
yeraltı optik xətti hər iki tərəfdən TAE (Trans Asiya –Avropa) magistral
xəttinə qoşulmuşdur.
Mənbə:
Naxçıvan MR RİTN - Mətbuat Xidməti
|
